Deputetët në përbërjen e re të Kuvendit, si dhe shërbimet në parlament, mund të lihen pa rrogë për muajin gusht nëse Komisioni për Zgjedhje dhe Emërime nuk formohet deri më 26 të këtij muaji, paralajmëroi sot në vazhdimin e seancës parlamentare kryetari Talat Xhaferi.
Në fillim të vazhdimit të seancës, ai tha se nuk ka kandidatë të propozuar për këtë komision të rëndësishëm parlamentar, i cili është përgjegjës për çështjet statutore të deputetëve, ndërsa ai propozoi që të vazhdohet me zgjedhjen e kryetarit të Kuvendit.
