Presidenti Stevo Pendarovski njoftoi se për momentin nuk e sheh të nevojshme shpalljen e një gjendje tjetër të jashtëzakonshme. Një ditë përpara skadimit të gjendjes së katërt të jashtëzakonshme, Presidenti Pendarovski njoftoi se deri tani as Qeveria nuk e ka kërkuar vazhdimin e saj.
Krahasimet që bëhen mes gjendjeve paraprake të jashtëzakonshme dhe numri i të prekurve dhe të vdekurve gjatë asaj kohe dhe numrave aktual të të prekurve dhe të vdekurve janë pa bazë sepse kam thënë dhe do ta përsëris, asnjë gjendje e jashtëzakonshme nuk është sjellë për këto arsye. Kurse për masat e llojit “orë policore”, “karantinë” ose “gjendje krize në një pjesë ose në të gjithë vendin” ekziston ligj dhe aspak nuk ka nevojë për gjendje të jashtëzakonshme për zbatimin e tyre.”-tha Stevo Pendarovski, President.
Zgjedhjet, sipas Presidentit, janë të nevojshme për formimin e institucioneve funksionale dhe legjitime. Për këtë ftesës së tij për një takim tjetër, dy liderët Zoran Zaev dhe Hristijan Mickoski ju përgjigjën pozitivisht.
Nëse nuk arrijmë marrëveshje për proces transparent dhe inkluziv zgjedhor, kjo do të nënkuptojë krizë të thellë politike. Nëse e shikojmë më gjerë rajonin ku ndodhemi dhe tentimin për destabilizimin e tij përmes kërcënimeve hibride dhe lajmeve të rreme, nuk mund të përjashtojmë mundësinë që kriza eventuale juridike dhe politike, nuk do të rritet edhe në krizë sigurie”-pohoi Stevo Pendarovski, President.
Nëse liderët merren vesh për zgjedhje më 8 korrik, siç është përfolur së fundmi, Pendarovski është i gatshëm të shpallë gjendje të jashtëzakonshme për 2-3 ditë, për të qenë në korniza të dekretit për zgjedhjet.
