Në këtë kohë të sfidave të mëdha shëndetësore dhe ekonomike, ne po ndihmojmë qytetarët dhe kompanitë që të përballojnë më lehtë krizën. Ne jemi duke implementuar paketën e tretë të masave ekonomike me vlerë 355 milion euro, të destinuara për 730,000 përdorues. – tha Kiril Kolemishevski, Kryetar i komisionit për ekonomi të LSDM-së.
Këto masa, me mbështetje të drejtpërdrejtë financiare, rrisin fuqinë blerëse, duke i mundësuar ekonomisë vendore të ecë përpara dhe të stimulojë rritjen dhe promovimin e produkteve dhe shërbimeve vendase.
Përfituesit e ndihmës financiare të drejtpërdrejtë, të caktuar në një kartë pagese, janë të gjithë persona të papunë, grupe të cenueshme shoqërore, familje me të ardhura të ulëta, të rinj dhe punonjës shëndetësie.
Qytetarët që plotësojnë kërkesat për të qenë përdorues të kartës së pagesës në shtëpi, nuk kanë nevojë të aplikojnë për ta marrë atë, por do ta marrin kartën në shtëpi ose do të jenë në gjendje ta marrin atë nga banka.
Mbi 100,000 qytetarë, pra të gjithë personat e papunë, të cilët kanë të ardhura mujore nën 15,000 denarë, si dhe marrësit e asistencës minimale të garantuar, do të marrin një kartë pagese “Unë blej brenda vendit” me 9,000 denarë të destinuar për blerjen e produkteve dhe shërbimeve vendore.
Një vaucher për turizëm vendas prej 6,000 denar dhe një kartë pagese për shtëpinë prej 3,000 denarë do t’u jepet të gjithë qytetarëve të punësuar që marrin pagë më pak se 15,000 neto në muaj dhe nuk kanë të ardhura të tjera.
Në këto masa, ne i kushtuam vëmendje të veçantë të rinjve, të cilët do të marrin 6,000 denarë për të mbuluar tarifat e shkollimit për Universitetin, si dhe akomodimin në konviktet e studentëve dhe ambientet e regjistruara të akomodimit për studentë dhe gjimnazistë. Të rinjtë gjithashtu do të marrin një kartë pagese prej 50 eurosh për produktet dhe shërbimet vendore.
Vaucher për trajnime për bashkëfinancim, trajnime dhe kurse për aftësi informatike dhe dixhitale do të marrin rreth 10,000 të rinj deri në moshën 29 vjeç, të cilët do të ndjekin akademitë në vend për aftësi dixhitale dhe IT, dhe të cilat do t’u sigurojnë atyre punësim të shpejtë në ekonominë e re të zhvillimit.
Profesionistët e kujdesit shëndetësor të cilët janë në ballë të luftës kundër Covid 19 do të marrin kartë me një pagesë prej 40% nga paga bazë neto.
Për të ndihmuar profesionistët e kujdesit shëndetësor duke iu përmbajtur masave të kujdesit shëndetësor, me distancë, duke mbajtur maska, larje të rregullt të duarve dhe dezinfektim, ne do të dalim nga kjo krizë më të guximshëm dhe të suksesshëm, tha ai.