Kategoritë

Pandemia Filipçe: Shqetësuese pamjet nga festimet në grupe

Për mos respektimin e rekomandimeve të institucioneve shëndetësore për kujdes gjatë manifesimeve fetare ka reaguar Ministri i Shëndetësisë Venko Filipçe duke shprehur shqetësimin lidhur me pamjet e trasmetuara në media ku shihen njerëz në grupe, pa maska dhe duke mos mbajtur distancë fizike.

“Pamjet dhe raportimet nga festimi i djeshëm në tempujt fetarë dhe para tyre janë përsëri shqetësuese. Pavarësisht thirrjeve të institucioneve shëndetësor që të mos ketë tubime masive, që të respektohen masat për mbrojtje të distances dhe kufizimi i lëvizjes, kjo nuk ka ndodhur. Unë e respektoj festimin dhe besoj fuqimisht se këto janë ngjarje të rëndësishme për të gjithë ne, pavarësisht se cilit besim i përkasim. Por këtë vit, festat nëpër botë shënohen në një mënyrë tjetër, duke vendosur shëndetin tonë mbi gjithçka tjetër”, ka shkruar Filipçe në rrjetin social facebook.