Para pesë viteve, më 17 maj të vitit 2015 në Shkup u mbajt protesta më e madhe qytetare kundër regjimit të Nikolla Gruevskit. Sipas vlerësimeve të mediave të huaja, në protestë dolën mes 70 dhe 100 mijë qytetare dhe qytetarë. Me sloganin #PoVijmë! Qytetarët paralajmëruan luftë të ashpër për liri dhe demokraci, ndërsa mënyra e vetme për çlirimin e shtetit nga regjimi, ishte të rrënohet regjimi.
CIVILi si organizatë për të drejtat e njeriut ishte pjesë e iniciativës “Qytetarët për Maqedoninë”. Në skenën para një numri të madh qytetarësh, u drejtuan aktivistë për të drejtat e njeriut, mes të cilëve edhe presidenti i organizatës, Xhabir Deralla, anëtari i përhershëm i organizatës, Petrit Saraçini, kolumnistja e CIVIL Media, prof. Mirjana Najçevska. Në protestë u vërejtën shumë flamuj dhe transparente, por asnjë nga partitë politike.
“Sot erdhëm pas lirisë sonë! Rruga është e qartë: dorëheqje, gjykim i drejtë, sekuestrim dhe burg”, porositi Deralla nga foltorja para demonstruesve.
Pas protestës, disa mijëra protestues mbetën para qeverisë dhe e filluan Kampin e lirisë, i cili ekzistoi gjashtëdhjetë ditë, por lufta me regjimin e Gruevskit vazhdoi edhe më tej.
Edhe sot, pesë vite më pas, Civili edhe më tej mbete në vijën e parë dhe lufton pa kompromis për shoqëri të lirë dhe demokratike. Ndërkohë, u ndërrua pushteti, por përgjegjësit për krimet e dekadës, ende nuk dolën para drejtësisë. Gruevski fitoi statusin e azilantit në Budapestë, madje edhe të drejtë vote, ndërsa disa nga kriminelët akoma janë në pushtet, duke e shfrytëzuar qeverinë teknike dhe duke e prolonguar datën për zgjedhje.
VMRO-DPMNE, edhe pse formalisht ka president të ri, ndikimi i Gruevskit është kyç dhe ndjehet edhe nga larg.
Mbetemi të përkushtuar ndaj luftës sonë deri në fund!
Ekipi i Civilit për komunikim
