Kategoritë

PËRFUNDIM Kabineti i Presidentit: Në takimin e liderëve konsensus se shëndeti është prioritet

Kabineti i presidentit të shtetit Stevo Pendarovski bëri të ditur se në takimin e sotëm të liderëve me konsensus është vendosur se shëndeti i qytetarëve mbetet prioritet dhe se në fillim të javës së ardhshme do të mbahet takim i ri për hapat e mëtutjeshëm pasi të merren mendimet nga Komisioni për Sëmundje Ngjitëse, Komisioni Shtetëror i Zgjedhjeve dhe Zyra e OSBE/ODIHR.

“Sa i përket hapave të mëtutjeshëm janë marrë vesh që të kërkohet mendim nga Komisioni për Sëmundje Ngjitëse sa i përket masave dhe protokolleve të cilat duhet të respektohen gjatë mbajtjes së proceseve të zgjedhjeve në kohë të pandemisë KOVID-19. Komisioni Shtetëror i Zgjedhjeve nevojitet që të dorëzojë mendim për afatet kohore të cilat i nevojiten për përfundimin e procesit të zgjedhjeve, ndërsa gjithashtu do të kërkohet edhe mendim nga Zyra e OSBE/ODIHR për kornizën kohore në të cilën mund të dërgojnë mision vëzhgues për zgjedhjet. Në fillim të javës së ardhshme do të ketë përsëri takim të liderëve në të cilin do të diskutohen hapat e mëtutjeshëm”, qëndron në kumtesën e Presidentit të shtetit.