Kategoritë

FINANCA Mançevski: Partitë të heqin dorë nga paratë e financimit vjetor në këtë krizë

Është e dëshirueshme që partitë politike në kulmin  e kësaj krize të heqin dorë nga paratë e financimit vjetor, theksoi nënkryetari i LSDM-së Damjan Mançevski për emisionin Click Plus në TV21, duke u përgjigjur në pyetjen lidhur me propozimin e ministres së Drejtësisë Renata Deskoska.

“Ky është propozim njerëzor, në kushte kur pyetemi nëse do të kemi mjete që të paguajmë paga, të kemi mjete për mbrojtje shëndetësore dhe për punë tjera të nevojshme”, ka thënë Mançevski.

Kjo është e arsyeshme, diçka që mund ta ofrojmë si parti politike dhe mjetet dedikuar për financim vjetor të partive që të orientohen, porositi Mançevski.

Ai foli për masat ekonomike që i propozon LSDM-ja dhe të cilat kanë për qëllim të rimëkëmbjes më të lehtë dhe më efikase të ekonomisë e cila është prekur nga kriza shëndetësore me koronavirusin.

“Propozimi i LSDM-së përfshin edhe ulje të pagave të funksionarëve dhe anëtarëve të këshillave drejtues. Ata anëtarë në këshilla, nëse punësohen nuk do të marrin të ardhura nga anëtarësimi në këshill, ndërsa e treta me radhë është administrata. Ka edhe një variant – shkurtimi i pagave shpresojmë do të ishte masë e përkohshme, nëse dalim nga kjo krizë shpejtë, mund të bëjmë kthim të këtyre parave që do të shkurtohen në muajt në vijim. Së pari themi shkurtim të pagave të funksionarëve dhe më as themi solidaritet. Që të paguhen tatimet, qytetarët të mund të paguajnë tatime duhet të na funksionojë sektori privat. Nëse nuk ka sektor privat nuk do të ketë para, prej ku do të paguhet? Çka nëse kjo krizë zgjatë gjatë, çka propozojnë partitë tjera? Kritikojnë, por nuk janë japin zgjidhje. Jemi të lumtur nëse kjo krizë zgjatë dy deri në tre muaj dhe nëse shpejtë kthehemi në formë. Por nëse kjo zgjatë gjatë, çka atëherë, çka do të propozojnë atëherë të tjerët?”, ka thënë Mançevski.

Ai theksoi se funksionarët nuk paraqesin problem, ata lehtë mund të heqin dorë nga e tërë paga dhe të mos marrin asnjë denarë në muajt e ardhshëm, por është i vetëdijshëm se ka një pjesë në administratë që më rëndë do të pajtohen me këtë masë. Megjithatë, theksoi ai, masa është solidare.