Duke pasur parasysh interesin e madh si dhe mundësitë për rritjen e vëllimit të monitorimit zgjedhor, CIVILi u bën thirrje të gjithë anëtarëve, mbështetësve dhe pjesëmarrësve në seminaret për gazetari qytetare, vëzhguesit në proceset e kaluara, si dhe të gjithë qytetareve dhe qytetarëve të interesuar, të aplikojnë për vëzhgues afat-shkurtë zgjedhor.
Funksionarë dhe aktivistë të partive politike nuk kanë të drejtë për pjesëmarrje në këtë thirrje. Nuk lejohet vëzhgim në dy organizata njëkohësisht.
Përparësi në procesin e zgjedhjes së vëzhguesve, si zakonisht, kanë anëtarët dhe mbështetësit e CIVILit, vëzhguesit e mëparshëm, si dhe ata që kanë marrë pjesë në seminaret për gazetari qytetare.
Nga ekipet për monitorimin e këtyre zgjedhjeve, për dy më të suksesshmit do të ofrohet angazhim në sferën e monitorimit dhe promovimit të projektit “Evropa është shtëpia ynë”, deri në fund të janarit, viti 2021.
Vëzhguesit e CIVILit, si dhe të gjithë qytetarët e interesuar, çdo herë kanë mundësi të bëhen pjesë e projekteve të CIVILit, posaçërisht në projektin “Objektivi qytetar”.
Për të gjithë kandidatët është me rëndësi ta dinë se monitorimi i CIVILit nënkupton mobilitet, përkushtim, dhe paanshmëri. Vëzhguesit afat-shkurtë janë aktivë gjatë heshtjes zgjedhore, në ditën e zgjedhjeve dhe një ditë pas zgjedhjeve.
Ekipi i CIVILit për komunikim
