Kategoritë

Mançevski: VMRO-DPMNE në Qeverinë teknike emëron kuadro të Gruevskit

Kuadri i VMRO-DPMNE pa mbushur një muaj në Qeverinë teknike nuk ka dëshmuar asgjë, përveç se është kuadër i Nikolla Gruevskit të cilët punojnë kundër interesave shtetërore, ka akuzuar nënkryetari i LSDM-së Damjan Mançevski. Ai thotë se dëshmi e fundit për këtë është kërkesa e ministrit teknike Çulev që në kabinetin e tij ta vendosë këshilltarin e Gjorge Ivanov, Sinisha Aleksovski.

“Për një muaj janë në Qeveri dhe nuk ofruan asgjë konkrete, asnjë masë asnjë rekomandim se si institucionet mund të funksionojnë më mirë. E vetmja gjë që shohim janë bllokimet dhe tentim për kthim të regjimit. Me siguri këto janë edhe urdhrat që i marrin nga Budapesti. Aleksovski me vite ishte dora e djathtë e Ivanov, ndërsa në dëshmitë për procesin e 27 prillit opinioni mund të dëgjonte për rolin e tij në organizimin e ngjarjeve të 27 prillit”, tha Mançevski.