Kategoritë

TRAUMAT E SOPIT Vendi do të ec përpara atëherë kur…

Kur do bëj më shumë Like Kadareja se linda morina;

Hasim Memishi Sopi

Kur do bëhen shfaqe më të mira se koktejet pas shfaqjeve;

Kur profesorët do të respektohen më shumë se kryetarët e degëve;

Kur politikanët do merren me politikë, Jo me biznes;

Kur këngëtaret do kenë më shumë zë se silikon;

Kur lajmi i parë do nis me kulturën e jo me kronikën e zezë..

Kur do punësohen ata që janë më afër dijes se sa partisë;

Kur qeveria do të frikohet nga populli e jo populli nga qeveria;

Kur administratorët do të konkurrojnë me mesatare të notave, Jo me mesatare të flamujve partiak të ngjitur nëpër shtylla;

Kur mjekët do t’i shohin të sëmurët si pacient, Jo si “myshteri”;

Kur politikanët do respektojnë ligjin, e Jo ligji t’i respektojë ata;

Atëherë ky vend do të ec përpara…