Një numër i madh i kritikëve të realitetit shoqëror-politik mblidhen në një vend, në konferencën #Perspektiva2019, më 13 shkurt, në Shkup,”Kino Kultura”, me fillim në ora 11. Pothuajse të gjithë që me vite ishin dhe mbetën kritikë të ashpër të politikave dhe praktikave të dëmshme, pavarësisht nga partia në pushtet, iu përgjigjën ftesës së Civilit të jenë pjesë e kësaj ngjarjeje. Lista e folëseve dhe folësve përfshin emra të rëndësishëm nga fusha e politikës, mediave dhe shoqërisë qytetare, të cilët janë rojtarë të përditshëm të diturive objektive dhe fakteve.
Folje hyrëse do të kenë Ambasadori gjerman Tomas Gerberih dhe Ministrja për punë dhe politikë sociale Milla Carovska. Konferenca propozon të flitet në temat “Mes shpresës dhe realitetit” (kushtuar proceseve shoqërore politike dhe çështjeve ekonomike), dhe “Përfundimet historike dhe hapje të perspektivave të reja” ( proceset e integrimeve euroatlantike). Mes folëseve dhe folësve do të jenë prof. Mirjana Najçevska, Xhevdet Hajredini (ministër i mëparshëm i financave), Mersiha Smailloviq (Legis), Branko Gerovski (Plusinfo), Aleksandar Kërzhallovski (MCMS), Rozeta Trajan (KSHPK) dhe tjerë. Do të flasin edhe përfaqësues të Civilit të cilët do t’i përcjellin shpresat dhe dëshpërimet e qytetareve dhe qytetarëve nga i tërë vendi. Agjenda, si çdo herë kur bëhet fjalë për ngjarjet e Civilit, mbetet e hapur.
“Koha e investuar mirë është ajo kohë në të cilën mësohet dhe këmbehen qëndrime dhe dituri. Prandaj, termini nga ora 11 deri 13:30 do të jetë mundësi e mirë që të behët ky investim. Jemi të sigurt se kjo konferencë do të mbahet mend për seriozitetin dhe zërin kritik”, thonë nga e ekipi i organizatorëve të konferencës.
Nga fillimi i dhjetorit të vitit të kaluar, ekipi i CIVIL Media realizoi një varg artikujsh me politikanë, ekspertë dhe aktivistë të cilët për opinionin i shtruan vështrimet e tyre për vitin e kaluar 2018, si dhe parashikimet e tyre dhe rekomandimet për vitin 2019. Përveç këtyre, gjatë përgatitjeve për këtë konferencë janë marrë parasysh edhe analizat, intervistat dhe kolumnat e një numri të madh të vendimmarrësve, si dhe autoreve dhe autorëve që janë pjesë e prodhimit mediatik, monitoringut dhe analizave të organizatës gjatë periudhës së kaluar.
Ngjarja është pjesë e projektit “Qytetaret dhe qytetarët për shoqëri të lirë”, i financuar nga Ministria për punë të jashtme e Republikës Federale të Gjermanisë.
Ekipi i Civilit për marrëdhënie me opinionin
