Më 16 shkurt 2o19, në Konferencën për Siguri në Munih, do t’u ndahet çmimi “Ewald von Kleist” kryeministrit të Republikës së Maqedonisë Zoran Zaev, dhe të Republikës së Greqisë, Aleksis Cipras, për arritjen e Marrëveshjes së Prespës.
Kryetari i konferencës, Volgang Ishinger në profilin e tij në Tuiter më 25 janar ka shkruar se “të dy kryeministrat do të ftohen më 16 shkurt në Munih që ta pranojnë çmimin prestigjioz” gjatë kohës së konferencës së 55-të.
Zëdhënësi i Konferencës për Siguri në Munih që do të mbahet prej më 15 deri më 17 shkurt, dje për “Dojçe Vele” ka konfirmuar se edhe Zaev edhe Cipras e kanë pranuar ftesën.
Çmimi ndahet që nga viti 2009, ndërkaq në mesin e fituesve janë Havier Solana, Joakim Gauk dhe OSBE.
“Me ndarjen e çmimit për Aleksis Ciprasin dhe Zoran Zaevin, Konferenca për Siguri e Munihut e pranon rëndësinë e Marrëveshjes së Prespës për sigurinë dhe stabilitetin e Ballkanit dhe Evropës”, shkruan “Dojçe Vele”.
Një pjesë e mediave në Greqi në ditët e kaluara kanë shkruar se në kornizë të konferencës në unih, të dy kryeministrat është e mundur që të mbajnë takim bilateral.
