Kryetari i Kuvendit të Greqisë, Nikos Vucis vendosi që debati për Marrëveshjen e Prespës me të cilën do të përfundojë kontesti 27-vjeçar rreth emrit të Maqedonisë të zgjat katër ditë.
Marrëveshja së pari dy ditë do të jetë në Komisionin parlamentar për mbrojtje dhe punë të jashtme, ndërsa më pas edhe dy ditë në seancë plenare të Kuvendit.
Sipas kësaj, sot dhe nesër për marrëveshjen do të diskutohet në seancën e komisionit, ndërsa të mërkurën gjatë ditës pritet të fillojë edhe seanca plenare në Kuvend.
Marrëveshja, që para disa ditësh është ratifikuar në Kuvendin e Republikës së Maqedonisë parashikon ndryshim të emrit Republika e Maqedonisë në Republika e Maqedonisë së Veriut, me çka mbaron kontesti shumëvjeçar mes dy vendeve.
