Gazetaria qytetare dhe aktivizmi e ndryshojnë botën, me përkushtim dhe me guxim, ata i shpërfytyrojnë regjimet e dhunshme autokratë anembanë botës dhe bëjnë thirrje për ndryshime demokratike të cilave Civili u jep rëndësi të veçantë.
Nëse jeni dëshmitarë të ndonjë problemi në rrethin tuaj, nëse institucionet janë të “shurdhra” dhe të “verbra” për problemet në rrethin tuaj dhe dëshironi të kërkoni përgjigje nga ato, këtë mund ta bëni në faqen “Objektivi Qytetar”.
Gazetarët qytetarë janë ata që bëjnë ndryshime, tërheqin vëmendje dhe pa frikë informojnë dhe kërkojnë përgjigje. Mund të incizoni, fotografoni ose të informoni për parregullsi, tema sociale, gjuhë të urrejtjes ose dhunë në protesta, ngjarje sportive…të cilat pastaj do të publikohen në faqen qytetare.
Nëse dëshironi të merrni pjesë në ndonjë ndryshim pozitiv, mund të fotografoni ose të bëni video nga problemi me të cilin përballen qytetarët, dhe t’i dërgoni në CIVIL.
Artikujt në të cilat autorët dëshirojnë të mbeten anonimë, do të jenë të modifikuara që mos e zbulojnë identitetin e tyre. Mirëpo, duhet të mbahet mend se CIVILI patjetër duhet ta dijë identitetin dhe kontaktin e autorëve, si dhe të pjesëmarrësve në ngjarjen që incizohet.
Me rastin e Ditës Ndërkombëtare të të drejtave të njeriut dhe 70 vjetorit nga Deklarata Universale për të drejtave të njeriut, CIVILI e organizon CIVIL FESTin, që do të mbahet më 10 dhe 11 dhjetor, në QKM.
Sllogani i festivalit është “Liri, drejtësi, barazi”, dhe i kushtohet gazetarisë dhe aktivizmit qytetar.
Në CIVIL Fest do të mbahet edhe ceremonia e shpërblimeve për çmimet për gazetari qytetare, për aktivistët më aktivë qytetarë të cilët rregullisht dërgojnë fotografi dhe video të ndryshme në CIVIL.
Në pritje të CIVIL FEST, gazetarët qytetarë janë të ftuar të dërgojnë artikuj të tyre që do të publikohen në platformën mediatike të CIVILit, dhe do të kenë mundësi për shpërblime të vlefshme
A. Petrovska
Përpunimi: D. Tahiri
