Çështja e amnistisë është vendosur në terren tjetër, gjegjësisht për të për momentin bisedohet në nivel të partive politike. Sipas disa informacioneve, kjo mund të zgjidhet gjithashtu në terren tjetër, gjegjësisht në Kuvend ose në ndonjë institucion tjetër.
Këtë e deklaroi gjykatësi suprem dhe kryetari i Shoqatës së Gjykatësve Xhemali Saiti, duke u përgjigjur në pyetjen e gazetarëve në lidhje me pretendimet për amnisti të mundshme të të akuzuarve për ngjarjet në Kuvendin e Maqedonisë më 27 prill të vitit të kaluar.
Gjykatat dhe gjykatësit, siç theksoi, janë këtu që të gjykojnë në kuadër të ligjit dhe këto janë themeluar që t’i kryejnë kompetencat e tyre në lidhje me procedurat e ngritura.
“Gjykatat do të vazhdojnë t’i gjykojnë lëndët sipas dinamikës dhe kompetencave të cilat i kanë. Çështja e amnistisë është pikërisht çështje tjetër”, tha Saiti para fillimit të konferencës për shtyp për matjen kombëtare të performancave të gjyqësorit në Republikën e Maqedonisë. (MIA)
