Disa dhjetëra gjykatës rumunë u tubuan mbrëmë në protestë para Gjykatës së Apelit në Bukuresht, për ta mbrojtjur pavarësinë e gjyqësisë, e kërcënuar, sipas tuyre, nga reforma e miratuar nga shumica e orientuar majtiste dhe fuqishëm e kritikuar nga Brukseli.
“Jam këtu, për t’u thënë parlamentit dhe qeverisë se pushteti gjyqësor është i pavarur dhe duhet të mbetet i tillë”, deklaroi gjykatësja Kristi Danilet nga Kluzh.
“Protestojmë kundër çfarëdo lloj forme të përzierjes në punën e gjytësve”, thotë gjykatësja Alina palankanu nga gjykata në Njamc.
Gjykatësit, shumica të rinj, i dënuan projektet ligjore, të cilat e përforcojnë kontrollin e Ministrisë së Drejtësisë ndaj prokurorëve dhe e minojnë luftën kundër terrorizmit.
Kryeprokurori Augustin Lazar, për të cilin ministri i Drejtësisë, Tudorel Toader ngriti procedurë për vlerësim të punës, e lavdëroi aftësinë e gjykatësve të rinj për t’i qëndruar presionit.
Qeveria socialdemokrate në korrik inicoi ndërrimin e prokurores së antikorrupsionit, Laura Kodruta Kovesi, e cila gjatë disa viteve të fundit dërgoi shumë funksioanrë të lartë në gjykatë.
Komisioni evropian dhe disa ambasada perëndimroe në Bukuresht e kritikuan ashpër reformën gjyqësore të socialdemokratëve në pushtet, duke pohuar se e minon sundimin e së drejtës. (MIA)
