Deputetët në Parlamentin slloven mbrëmë votuan Qeveri të re minoritare të qendrës së majtë të kryeministrit Marjan Sharec.
Prej gjithsej 90 deputetëve, për Qeverinë e re votuan 45 deputetë, 34 ishin kundër, ndërsa 11 ishin ose të përmbajtur ose munguan.
Drejtpërdrejtë para votimit, Sharec nga foltorja parlamentare theksoi se Qeveria do të përqëndrohet në përparimin e sistemit shëndetësor, zvogëlimin e shpenzimeve burokratike dhe sigurimin e ambientit ekonomik stabil në Slloveni.
Më shumë se tre muaj pas zgjedhjeve parlamentare në Slloveni dhe mossuksesit të Partisë Demokratike sllovene të Janez Janshës që të formojë Qeveri, është formuar kabinet i ri, i përbërë nga anëtarët e pesë partive të qendrës dhe qendrës së majtë. Sharec u emërua për mandatar muajin e kaluar.
Nga pavarësia, kjo është Qeveria e 13-të sllovene, e cila do të përbëhet nga 16 ministra. Kryeministri i deritanishëm Miro Cerar do të jetë shef i Diplomacisë, ndërsa ministri i deritanishëm i Punëve të Jashtme Karl Erjavec do të jetë ministër i Mbrojtjes. (MIA)
