Gazetari i Televizionit BN, Vlladimir Kovaçeviq mbrëmë është sulmuar fizikisht në Banja Lukë, ndërsa për shkak të lëndimeve të marra ka kërkuar ndihmë mjekësore.
“Para 20 minutave derisa po kthehesha nga puna, dy djem më ndaluan dhe më rrahën me shufra metalike”, ka shkruar Kovaçeviq mbrëmë në Tuiter.
Ai publikoi edhe një fotografi, në të cilën është me fashë të gjakosur në kokë.
Kovaçeviq mbrëmë në Sheshin Kraina në Banja Lukë e ka ndjekur tubimin “Drejtësi për Davidin” nga i cili tubim çdo mbrëmje ka kyçje të drejtpërdrejtë në lajmet e TV BN.
David Dragiçeviq (21) është zhdukur natën e 18 marsit, ndërsa trupi i tij është gjetur më 24 mars në lumin Vërbas. Prindërit e Dragiçeviq pohojnë se ai është marrë peng dhe është vrarë nga ana e pjesëtarëve të policisë së Republikës Sërpska. Tubimet e qeta të qytetarëve “Drejtësi për Davidin”, në të cilat kërkohet zbulimi i vrasësve dhe urdhëruesve mbahen në Banja Lukë çdo natë që nga 26 marsi. (MIA)
