Kryeministri i Maqedonisë Zoran Zaev, ka dërguar letër të hapur për liderët e vendeve anëtare të BE-së, ku ju bënë thirrje që të mbështesin nisjen e negociatave për Maqedoninë me BE-në, ku njofton kryeministrat e vendeve anëtare të BE-së për marrëveshjen e arritur me Greqinë për Çështjen e Emrit, si dhe vendosjen e marrëdhënieve strategjike ndërmjet Republikës së Greqisë dhe Republikës së Maqedonisë.
“Marrëveshja praqet mundësi hostorike për tejkalimin e kontestit 25 vjeçar, dhe ka penguar rrugën e Maqedonisë drejt integrimeve Euro-Atlantike”.
Zaev në letër gjithashtu i njofton liderët edhe për hapat e radhës që duhet të ndërmerren që të sigurohet hyrja në fuqi e marrëveshjes dhe njofton ata se është bërë ratifikimi i marrëveshjes në Kuvend, ndërsa të njëjtën gjë do ta bëjë edhe Greqia.
“Që të sigurohet realizimi i marrëveshjes dhe dobitë potenciale për të dy vendet dhe për rajonin e Evropës Juglindore si dhe për Evropën në përgjithësi, është e rëndësishme ndihma politike e vendeve anëtare të BE-së, për ta konfirmuar të ardhmen evropiane për vendin tim dhe për gjithë rajonin. Për këtë arsye kërkoj ndihmë për nisjen e negociatave me Republikën e Maqedonisë”, shkruan Zaev në letër.
Ai më tej shton se me vendimin për nisjen e negociatave do të jepet mirënjohje për procesin e reformave dhe do të lehtësohet edhe më tej procesi reformues.
Burimi: Tv21
