Para Kuvendit të Maqedonisë në mëngjes është qetë pas protestave të mbrëmshme të dhunshme, ku janë lënduar shtatë policë. MPB-ja informoi se janë arrestuar 25 demonstrues dhe paralajmëroi se më shumë informata për ngjarjet e djeshme para dhomës ligjdhënëse në qendër të Shkupit do të kumtohen gjatë ditës.
“Në protestën e mbrëmshme të dhunshme në Shkup, një pjesë e demonstruesve përdorën mjete spërkatëse dhe e kanë depërtuar rrethojën mbrojtëse, në të njëjtën kohë duke tentuar me dhunë të hyjnë në Kuvend. Me qëllim që të pengohet eskalimi i situatës dhe hyrjes së dhunshme në Kuvend, e duke vepruar në pajtim me procedurat, policia përdori gaz lotsjellës”, kumtoi MPB-ja.
Ministria e Punëve të Brendshme potencoi se e respekton të drejtën e protestët së qetë, por nuk do të lejojë përdorim të dhunës dhe hyrjes së dhunshme, si dhe shkeljen e rendit publik dhe qetësisë. Ministria apelon që në mënyrë demokratike të shprehet mendimi publik.
Protestat ishin kundër Marrëveshjes për zgjidhjen e kontestit mes Maqedonisë dhe Greqisë për emrin dhe partneritetit strategji të nënshkruar dje në Psarades.
(MIA)
