Pozita dhe opozita me forca të përbashkëta do ti shlyejnë kamatat e qytetarëve që nuk kanë paguar llogaritë për ujë, rrymë, operatorët mobil dhe kabllovik, mirëmbajtjen e hapësirave të përbashkëta dhe ujitjen e tokës bujqësore deri në vitin 2011. Në procedurë kuvendore ka hyrë propozim-ligji për shlyerjen e kamateve për pagesën e borxheve.
Opozita dhe pozita në Kuvend do të dorëzojnë një propozim-ligj të përbashkët për shlyerjen e kamatave për pagesën e borxheve në bazë të veprimtarive komunale sic janë uji, rryma, mbeturinat, operatorët mobil dhe kablovik, harxhime për mirëmbajtjen e përbashkët të pjesëve të ndërtesave dhe ujitjen dhe sipërfaqeve bujqësore.
Duhet të potencoj se deri te kjo zgjidhje erdhëm pas konsultimeve disamujore mes grupeve parlamentare në kuvend, qeveria dhe kreditorët e mëdhenj që me insistimin tonë treguan gatishmëri t’u dalin në ndihmë kërkesave të qytetarëve, për cka ne në vecanti u angazhuam. Ligji i paraparë parasheh shlyerjen e kamatës që llogaritet nga dorëzimi i padisë për pagesë të borxhit në të holla, deri në pagesën përfundimtare të kërkesës në të holla.
Ligji është iniciativë e opozitës, kurse është përkrahur nga shumica parlamentare. Qëllimi është që tyë zgjidhen problemet e mijësra qytetarëve që ballafaqohen me këtë lloj të borxheve dhe pagesën e shumave dhjetëfish më të mëdha nga ana e përmbaruesve.
“Shkaku i sjelljes së këtij ligji janë padrejtësitë e mëdha dhe maltretimet që i kanë me mijëra qytetarë lidhur me përbarimin e lëndëve nga sfera komunale, e përsëris, pa fajin e tyre, për shkak se, për shkak të mosfunksionimit të sistemit, konkretisht funksionit ekzekutiv në gjykatat e rregullta, një numër i madh i këtyre lëndëve ishin me vite të mbajtura në sirtarët e gjykatave”
Partitë në pushtet kanë paralajmëruar se do ti përkrahin të gjitha ligjet që janë në interes të qytetarëve. Pritet që ky ligj të sillet brenda një muaji.
Burimi: ArtChannel
