Kuvendi i Republikës së Maqedonisë zgjodhi mbrëmë katër zëvendësministra të rinj në qeveri. Renata Desoska është ministrja e re e Drejtësisë, ministri i Arsimit dhe Shkencës u zgjodh Arbër Ademi, ministri i Kulturës Asaf Ademi dhe dhe ministër pa portofol Bardhyl Dauti.
Deskoska u përzgjodh me 67 vota “pro” dhe 23 “kundër”, Arbër Ademi me 67 vota “pro” dhe 25 “kundër”, Asaf Ademi me 66 “pro” dhe 23 “kundër”, ndërsa Bardhyl Dauti me 65 vota “pro”, 26 “kundër” dhe një “abstenim”.
Pas zgjedhjes, ministrat e sapozgjedhur dhanë një deklaratë solemne.
Kuvendi i Republikës së Maqedonisë zgjodhi sot edhe katër zëvendësministra të rinj në qeveri.
Zëvendësministri i Punëve të Jashtme u zgjodh Andrei Zhernovski, zëvendësministër i Shëndetësisë Asim Musa, zëvendësminisëtr i Punës dhe Politikës Sociale Gjonul Bajraktari dhe ai i Transportit dhe Lidhjeve Sadik Beqiri.
“Ju siguroj se kandidatët e propozuar do të kryejnë detyrat e tyre të punës me ndërgjegje dhe me përkushtim dhe përgjegjësi të madhe dhe në përputhje me Ligjin dhe angazhimet e Qeverisë së Republikës së Maqedonisë për realizimin e angazhimeve të programit të Qeverisë dhe interesave strategjike të Republikës së Maqedonisë dhe ekskluzivisht në interes të qytetarëve”, tha kryeministri Zoran Zaev para zgjedhjes së zëvendësministrave të rinj.
Si partnerë të rinj të koalicionit në Qeveri hyri krahu i Besës i Afrim Gashit dhe PDSH-ja, që kanë vende ministrore, si dhe Lidhja e Romëve.
(MIA)
