Gjykata Supreme në Athinë, sot duhet ta kumtojë vendimin për ankesën e parashtruar për ekstradimin e Goran Grujevskit dhe Nikolla Boshkovskit, njoftoi dje korrespondentja e MIA-s nga Athina.
Pasi gjykata e Selanikut më 5 janar të këtij viti dha dritë jeshile për ekstradim, Gjykata Supreme në Athinë tani më ka mbajtur katër seanca gjyqësore.
Për Grujevskin dhe Boshkovskin në Greqi, siç njoftoi MIA, zhvillohen tre procese të veçanta të cilat nuk ndërlidhen me njëra-tjetrën.
Në këtë moment, prioritet ka Gjykata Supreme gjegjësisht kumtimi i vendimit, madje pastaj do të përcaktohen datat për dy proceset e tjera, për pasaportat e falsifikuara dhe kërkesën për azil.
Goran Grujevski dhe Nikolla Boshkovski nga 13 shkurti pas transferimit të tyre nga Selaniku në Athinë, gjenden në burgun e Athinës “Koridalos”.
Të gjitha katër seancat në Gjykatën Supreme të Athinës kaluan pa asnjë interes të mediave në Greqi, ndërsa gazetari i vetëm në sallën gjyqësore ishte korrespondentja e MIA-s nga Athina, diçka që ishte edhe një argument i avokatëve të Grujevskit dhe Boshkovski për të kërkuar që seanca të jetë me dyer të mbyllura.
(MIA)
