Vendet e rajonit duhet të punojnë shumë për tu integruar në BE, njoftoi sot në pres konferencë të Samitit BE-Ballkani Perëndimor në Sofje, kryetari i Parlamentit Evropian Antonio Tajani.
Siç njoftoi raportuesi i MIA-s nga Sofia, Tajani duke iu përgjigjur pyetjes së gazetarëve në lidhje me procesin e integrimit të gjashtë vendeve të rajonit, midis të cilave edhe Maqedonia theksoi se dialogu është i hapur, por se ka ende rrugë për të bërë.
“Të gjitha vendet ballkanike janë pjesë e Evropës. Nëse vendet dëshirojnë të bëhen pjesë e BE-së duhet t’i respektojnë rregullat. Duhet të punohet shumë në drejtimin e duhur. Serbia dhe Mali i Zi lëvizin në atë rrugëtim. Duhet shumë punë, ajo vlen edhe për IRJM-në, por edhe për vendet e tjera. Ne nuk jemi kundër integrimit, përkundrazi ne e shtyjmë atë proces. E mbështesim demokracinë, sundimin e të drejtës, lirisë së mediave, luftën kundër korrupsionit. Rregullat duhet të respektohen”, tha Tajani.
Ai nuk dëshiroi të komentojë çështjen e emrit midis Maqedonisë dhe Greqisë.
“Ajo nuk është puna ime”, u përgjigj shkurt. (MIA)
