re seanca të reja sot janë caktuar në Gjykatën penale për lëndën e Prokurosisë Speciale Publike “Titanik 3”, “Toplik” dhe “Transporter”.
Në lëndën “Titanik 3” akuzohet Ejup Alimi dhe Ismet Guri, për shkak se si anëtarë të Komisionit zgjedhor komunal në Çair, “kanë shkatërruar material zgjedhor”.
Paraprakisht seanca për këtë lëndë është anuluar për shkak të detyrimeve familjare të gjykatëses së dytë Gordana Spirovska.
Seancë e re në Gjykatë duhet të mbahet edhe për lëndën “Toplik” në të cilën janë të dyshuar ish-ministri i Transportit dhe Lidhjeve, Mile Janakieski dhe pesë persona të tjerë për shitje të parcelës së Shkupit, Sopishte.
I dyshuari i parë Janakieski, si person udhëheqës në Ministrinë e Transportit dhe Lidhjeve, në kundërshtim me Ligjin për furnizime publike, ka përbërë Komision për oferta publike të cilin e urdhëroi të zgjedhë ofrues për blerje dhe disponim me tokat shtetërore për ndërtimin e kompleksit elit “San siti” në Sopishte, edhe pse firma nuk i ka plotësuar kushtet për atë.
Nga dëshmitë, sipas PSP-së, del se për shkak të shkëputjes së marrëveshjes për fajin e Ministrisë, ky organ shtetëror është obliguar personit juridik të “San siti” t’i paguajë borxh dhe kamatëvonesë në vlerë prej një milion euro.
Në bankën e akuzës sot duhet të ulen edhe të pandehurit në lëndën e PSP “Transporter”. Në këtë rast është i përfshirë ish-kryetari i Komunës së Manastirit, Vladimir Taleski së bashku me 20 persona të tjerë që dyshohen se përmes tenderëve të transportimit të nxënësve të komunës së Manastirit kanë përfituar 360 000 euro para publike. (MIA)
