Në fillim të seancës së sotme për rastin “Toplik”, avokatët e të akuzuarit të parë Mile Janakieski kërkuan që të kryhet analizë nga një person kompetent i “bombave” për këtë lëndë, të cilët janë prezantuar në seancën paraprake.
Sipas avokatëve, ekziston dyshimi se bisedat e përgjuara të jenë ndërruar, gjë e cila u është thënë nga një këshilltar teknik, për shkak të së cilës propozuan që të urdhërohet ekspertizë e tyre.
Avokatja Sanja Aleksiq tha se ekzistojnë laboratorë teknike ku mund të vërtetohet autenticiteti, besueshmëria dhe tërësia e incizimeve.
Mbrojtja kërkoi nga gjykata 608 dëshmi materiale të PSP që të selektohen në 83 dëshmi në funksion të efikastetit të procedurës.
Prokurorja e PSP, Lile Stefanovska nuk u pajtua që të lexohen dëshmitë selektive, për shkak se, siç tha, të gjithë dëshmitë janë të rëndësishme, e jo vetëm 83-të që i propozoi avokati Danço Nakov.
Pas kësaj, gjykatësi Osman Shabani dha pushim, pas së cilës duhet të prezantohen dëshmitë. (MIA)
