Mendoj se tani është momenti më i mirë dhe më i papërsëritshëm për të gjetur zgjidhje për problemin e stërzgjatur me emrin, njoftoi kryeministri Zoran Zaev duke iu përgjigjur pyetjes së gazetarëve pas përfundimit të seancës së sotme për rastin “Rryshfeti”.
“Pres që së paku në margjinat e Samitit të Ballkanit Perëndimor në Sofje të takohem me kryeministrin grek Cipras dhe të shfrytëzojmë arritjet e deritanishme midis dy ministrave, ndoshta do të jemi edhe më të fuqishëm në krijimtarinë tonë nuk them se jo, por në çdo rast vlen që të përpiqemi deri në fund. Unë i jap mundësi procesit”, theksoi Zaev.
Ai nënvizoi se çdoherë ka informuar nëse ka diçka të re në lidhje me problemin të cilin e ka Greqia me emrin tonë kushtetues dhe se kohëve të fundit nuk ka ndonjë risi për të ndarë me publikun.
Kujtoi se Samiti në Sofje dhe Këshilli Evropian po afrohen dhe atë, siç shtoi, është përpjekje të paktën deri në ato data për të gjetur një zgjidhje.
“Besojë se gjatë fundjavës që vjen do të mund sinqerisht dhe hapur me alternativa të caktuara dhe zgjidhje kreative të cilat dalin edhe nga ana jonë dhe nga ana e Greqisë për t’i përafruar pozicionet”, tha Zaev. (MIA)
