Ministri i Shoqërisë Informatike dhe Administratës, Damjan Mançevski pret debat të argumentuar dhe të urtë për Ligjin për media në Kuvend dhe miratim të shpejtë të tij.
“Më vjen mirë që më në fund ligji hyri në procedurë. Ne nuk ikim asnjëherë nga debati dhe duam që të bisedojmë me argumente për amendamentet e vazhduara nga ana e opozitës. Shpresoj se do të kemi debat të argumentuar, por të urtë, i cili do të na sjellë deri në situatë që në një kohë të mençur të arrijmë ta miratojmë ligjin, i cili përfundimisht do t’i sjellë reformat e nevojshme në sektorin mediatik”, deklaroi sot Mançevski, duke u përgjigjur në pyetjen e gazetarëve pas hapjes së konferencës për Partneritet të hapur qeveritar.
Lidhur me angazhimin e nëpunësve shtetërorë të punësuar sipas Marrëveshjes së Ohrit. ministri Mançevski tha se procesi i nënshkrimit të kontratave me 985 administratorë është në vijim dhe shumë shpejt pritet sistemimi edhe i të tjerëve. (MIA)
