Seanca për lëndën e PSP-së “Tortura” që sot duhej të mbahet në Gjykatën Penale në Shkup është shtyrë për më 13 qershor për shkak të mungesës të të akuzarit të tretë Novica Stankovski.
Mbrojtja dorëzoi dokumentacion mjekësor, për të cilin pohon se e arsyeton mungesën e tij nga seanca e sotme.
I akuzuari nga PSP Gavril Bubevski kërkoi që dokumentacioni të jetë më serioz sepse, sipas tij, nga dokumentacioni i sotëm mund të shihej vetëm se Stankovski ka marrë terapi.
Gjykatësja Aleksandra Ristevska ka kërkuar në seancën e ardhshme të dorëzohet dokumentacion mjekësor shtesë.
Në Gjykatë sot erdhi i akuzuari i parë Sasho Mijallkov, për mungesën e të cilit ishte shtyrë seanca paraprake më 23 mars. Në Gjykatën Penale erdhën edhe të akuzuarit e tjerë në këtë lëndë.
“Tortura” ka të bëjë me mënyrën e privimit nga liria të liderit të “Të bashkuar për Maqedoninë” dhe ish-ministër i Punëve të Brendshme, Lube Boshkovski, më 6 qershor të vitit 2011, një ditë pas zgjedhjeve të parakohshme parlamentare.
Në lëndën “Tortura”, krahas Mijallkovit, janë të akuzuar janë ish-njeriu i parë i njësitit “Alfat” Ivica Antevski – Puki dhe edhe pesë pjesëtarë të njësitit.
PSP-ja e ndjek për keqtrajtim dhe mizori të tjera, veprim jonjerëzor ose poshtërues dhe dënim. (MIA)
