Dhjetë projekte të Programit vjetor të Ministrisë së Kulturës për vitin 2018 me vlerë të tërësishme prej tetë milionë e 500.000 denarë janë tërhequr pas revizionit të Komisionit të Ministrisë, ka informuar sot ministri i Kulturës Robert Alagjozovski gjatë vizitës në burgun e Shutkës.
Bëhet fjalë për projektet: Festivali i këngës shqipe “Event” i Shoqërisë kulturore-artistike “Event 2012) nga Tetova, “Erë poetike” i Shoqatës “Inovacion”, Festivali folklorik i fëmijëve i Shoqatës “Ble AND” nga Tetova, “Duke i njohur vlerat tona” e Lidhjes së artistëve shqiptarë ART – Tetovë, “Afirmimi i kulturës shqiptare përmes promovimit të kuzhinës së Gostivarit në Francë” i Shoqatës DRITA AGV – Gostivar, “Afrimimi dhe qëndrueshmëria e kulturës shqiptare përmes promovimit të traditave tradicionale të synetit shqiptar në Maqedoni” Shoqata Drita AGV – Gostivar, “Pjesëmarrje në Festivalin e 19-të ndërkombëtar” të Ansamblit “Tingujt e Karshiakës”, si dhe dy projekte për realizim të koncerteve të Shoqatës kulturore-artistike “Alegretto”.
“Për momentin komisionet i shqyrtojnë dhe vendosin sipas raportit të negociatave. Mënyra në të cilën do të mund të përgjigjemi në negociata do të varet nga mjetet që do t’i kemi në dispozicion”, sqaroi Alagjozofski në pyetjen e gazetarëve për projektet e Programit vjetor për të cilat kishte reagime në opinion dhe për të cilat ishte kërkuar revizion.
Burimi: MIA
Përmbajtjet që i merr Civili nga burime tjera nuk i nënshtrohen licencës Creative Commons 1.0, e cila përndryshe është e zakonshme, për përmbajtjet të cilat i plason kjo platformë mediatike. Ju lutemi, konsultohuni me buruesit për marrje të përmbajtjeve të tilla.
