Me rastin e ditës së NATO-s, 4 Prilli, sot në Muzeun ushtarak në Shkup do të mbahet tribunë e titulluar “NATO dhe ti” në organizim të Ministrisë së Mbrojtjes, Këshillit euroatlantik të Maqedonisë (ATA Maqedoni), NATO – Zryes për lidhje dhe Ambasadës kroate në Shkup.
Në tribunë do të marrin pjesë ministrja e Mbrojtjes, Radmilla Shekerinska, ministri i Financave, Dragan Tevdovski, ambasadori i SHBA-së, Xhes Bejli, ambasadorja kroate, Daniela Barishiq dhe shefi i Zyres për lidhje të NATO-s në Shkup, kapiteni i marinës, Gorazd Bartol.
Fjalime hyrëse në tribunë do të kenë koordinuesi nacional për NATO, Stevo Pendarovski, kryetari i ATA Maqedoni dhe këshilltari i kryeministrit për NATO, Ismet Ramadani, si dhe kryetari i ATA organizatës botërore, Fabricio Luçioli.
Pas tribunës në Muzeun ushtarak do të hapet edhe ekspozita “Republika e Maqedonisë në rrugën drejt NATO-s”, që do të hapet për opinionin dhe do të zgjasë disa ditë. Në sallonin ekspozues do të vendosen faksimile të dokumenteve kyçe, fotografi, flamuj, flamuj ushtarak të njësive të ARM-së që kanë marrë pjesë në Misione paqësore të NATO-s, harta, uniforma ushtarake, dekorime ushtarake, plaketa, publikime, video dhe audio materiale dhe përmbajtje të tjera.
Ekspozita e muzeut organizohet edhe me rastin e 25-vjetorit të sjelljes së Vendimit të Kuvendit të Republikës së Maqedonisë për anëtarësim të Republikës së Maqedonisë në NATO.
Burimi: MIA