Gjithsej 61 për qind e sëmundjeve infektuese janë shkaktarë nga kafshët. Për parandalim, shkatërrim dhe çrrënjosje është i nevojshëm bashkëpunimi midis veterinerëve dhe shërbimeve shëndetësore në nivel lokal, rajonal dhe global, porositën pjesëmarrësit në konferencën “Një shëndet” që po mbahet në Shkup, në organizim të Agjencisë për Ushqim dhe Veterinari (AUV).
Sipas tyre, gjithnjë e më shpesh sëmundje të reja po paraqiten në nënqiellin tonë edhe pse deri më tani aspak nuk kanë ekzistuar, as nuk kanë qenë specifike.
“Lloje të reja të insekteve, bartës të sëmundjeve, gjejnë rrugë dhe ambient përkatës për ekzistencë në Evropë ku deri më tani nuk kanë qenë të pranueshme. Shembull të tillë është sëmundja gungore e lëkurës me të cilën për herë të parë u përballëm në vitin 2016”, deklaroi drejtoresha e Administratës për Siguri të Ushqimit nga Mali i Zi, Vesna Dakoviq.
Siç tha drejtori i AUV Zoran Atanasov, shëndeti i njerëzve varet nga shëndeti i kafshëve, bimëve dhe mjedisit të kafshëve, ndërsa që të përmirësohet, nevojitet përforcim i vazhdueshëm i sistemit kombëtar për siguri të ushqimit, veterinarisë dhe shëndetit human.
“Është jashtëzakonisht me rëndësi edhe observimi, mbikëqyrja e vazhdueshme, si dhe gatishmëria për reagim me kohë në koordinim me të gjitha shërbimet”, nënvizoi Atanasov.
Vlerësimi i zëvendësministrit të Shëndetësisë Goce Çakarovski është se përveç atyre shëndetësore, ndikimi i sëmundjeve te kafshët që shpesh pasqyrohet edhe te njerëzit, ka edhe karakter ekonomik si dhe social.
Konferenca përfundon nesër, ndërsa marrin pjesë pjesëmarrës nga institucionet kompetente nga të gjitha vendet e rajonit.
Burimi: MIA
Përmbajtjet që i merr Civili nga burime tjera nuk i nënshtrohen licencës Creative Commons 1.0, e cila përndryshe është e zakonshme, për përmbajtjet të cilat i plason kjo platformë mediatike. Ju lutemi, konsultohuni me buruesit për marrje të përmbajtjeve të tilla.
