Fillim i qetë dhe në kohë i rivotimit në vendvotimin 2901 në Sh.F.S. “Idnina” në Çair – është konstatim i vëzhguesve të Civilit nga ora e parë e vëzhgimit në këtë vend. Deri më orën 9 kanë votuar 24 votues.
Në rrethin e dytë të zgjedhjeve lokale në këtë vendvotim kanë votuar 278 nga gjithsej 719 votues, Diferenca mes kandidatëve për kryetar, Zeqirija Ibrahimit dhe Visar Ganiut ishte 66 vota në favor të Ibrahimit. Pas refuzimit të ankesës së Besës për vendvotimin 2901 në Sh.F.S. “Idnina”, Çair, Gjykata Administrative në Shkup, ka sjell vendim për rivotimin, duke e pranuar ankesën e tyre.
Besa, e pakënaqur nga forma e zbatimit të procesit zgjedhor në rrethin e dytë në Çair, në KSHZ kanë parashtruar 89 ankesa. Ankesat që janë në vendvotimet në Çair, kryesisht kanë të bëjnë me numërimin e votave, ku përfaqësues të autorizuar të partisë kanë konstatuar se për fletëvotime të pavlefshme janë shpallur fletëvotimet, siç thuhet në ankesën e tyre, në të cilat shihet qartë dëshira e shprehur e votuesve, pikërisht për kandidatin e tyre për kryetar komune.
Civili do të vëzhgoj zhvillimin e rivotimit në këtë vendvotim dhe do të njoftoj opinionin për gjatë tërë ditës.
Qytetaret dhe qytetarët dhe gjitha palët e përfshira që kanë informata për parregullsi zgjedhore, mund t’i paraqesin në numrat e telefonit 02 / 5209 176, 071 608 523, 078 / 746 138 dhe online formularin www.slobodniizbori.info.
CIVIL – Qendra për Liri ka zero tolerancë ndaj parregullsive zgjedhore dhe fton gjithë pjesëmarrësit e rivotimit në vendvotimin 2901, më 12 nëntor, të kontribuojnë për një ditë zgjedhore të qetë, të lirë dhe demokratike.
