Civili një kohë të gjatë tenton të jep kontributin e vet ndaj forcimit të lirisë së shprehjes dhe lirive të medias, përmes zhvillimit të platformës mediatike të CIVIL Media dhe përmes një vargu aktivitetesh në terren në gjithë vendin. Me këtë qëllim, Civili i ftoi përfaqësuesit e mediave, shoqërisë qytetare, qytetaret dhe qytetarët për shoqërim dhe bisedë për shoqërinë e lirë. Takimi do të mbahet në Klubin e Gazetarëve, sot, më 6 nëntor, me fillim në ora 16.
Duke u nisur nga parimi se nuk ka liri pa media të lira, ekipi i Civilit dëshiron të takohet me më të rëndësishmit në këtë fushë – njerëzit ë cilët çdo ditë i afrojnë faktet për ngjarjet dhe proceset deri te qytetaret dhe qytetarët.
Kontributi i mediave në ndërtimin e shoqërisë së lirë, shpesh është i anashkaluar ose i nënçmuar, ndërsa redaksitë dhe ekipet e gazetarëve çdo ditë përballen me presione dhe probleme të llojeve më të ndryshme. Mendimi i kreatoreve dhe kreatorëve të përmbajtjeve mediatike është me rëndësi të veçantë për organizatat qytetare. Ky takim do të jetë mundësi për këmbimin e mendimeve, përvojave dhe kontakteve.
Ngjarja është pjesë e projektit Media të Lira për shoqëri të lirë, i financuar nga Ministria për Punë të Jashtme e Republikës Federale të Gjermanisë.
