Si dhe në të gjitha fushatat parazgjedhore të deritanishme, ashtu edhe kësaj here, shtabet e partive janë shënjestër e përleshjeve mes partive. Mbrëmë në stacionin policor në Negotinë, është paraqitur dëmtim i shtabit të partisë politike LSDM, i vendosur në fshatin Krivollak, dhe janë shkruar grafitë me përmbajtje ofenduese.
Mbrëmjen e njëjtë, rreth orës 9, është paraqitur se mbi muret e një shtëpie, pronë e M.J. (70) nga fshati Krivollak, nga person i panjohur është shkruar dhe rrethuar numri 13 dhe mbishkrim VMRO, sipas buletinit të MPB.
Një ditë më parë, një person i panjohur ka thyer dy qelqe të dritareve dhe një derë qelqi në shtabin e partisë politike BDI, në rrugën Tale Hristov Shkup – Veri.
Edhe shtabet e Besës në Shkup, edhe të VMRO – DPMNE në Manastir pësuan. Në ditën e parë të fushatës parazgjedhore, dritaret dhe dyert e shtabit të LSDM në Aerodrom ishin lyer me fekale.
MPB informon se punon në zbardhjen e rasteve.
Maja Ivanovska
