CIVIL – Qendra për Liri e përkujton opinionin se në këtë ditë, gjashtë vite nga vrasja brutale e Martin Neshkovskit gjatë kremtimit të VMRO – DPMNE në sheshin e qytetit në Shkup pas zgjedhjeve të parakohshme parlamentare në vitin 2011, ende nuk ka zgjidhje ligjore dhe përgjegjëi për funksionarët dhe të gjithë personat e involvuar që morrën pjesë në fshehjen e këtij krimi.
Edhe pse në bisedat e përgjuara të cilat i publikoi LSDM para dy vitesh dëgjuam detaje shqetësuese për këtë rast, ende nuk ka përgjegjësi nga funksionarët e lartë në MPB dhe urdhëruesit e tyre. Ata dy ditë tentonin ta mbulojnë këtë ngjarje morbide nga opinioni.
Nuk ka përgjegjësi për praninë e paautorizuar të personave zyrtarë në sigurimin e kryeministrit të atëhershëm Gruevski gjatë kremtimit.
Nuk ka përgjegjësi për zyrtarët policorë, të cilët fare nuk e evidentuar vrasjen në librin për ngjarje ditore në stacionin policor.
Nuk ka përgjegjësi për ekipin e Ndihmës së shpejtë e cila gjithashtu nuk e ka evidentuar praninë e vet dhe intervencën në vendin e ngjarjes ndaj të ndjerit Neshkovski.
CIVIL –Qendra për Liri kërkon nga institucionet kompetente urgjentisht ta zbardhin deri në fund këtë rast, i cili la njollë të zezë në historinë më të re të vendit. Ky rast seriozisht e luhati besimin e qytetarëve në institucionet e sistemit dhe dëshmon për polici dhe gjyqësi të partizuar. Gjashtë vite pas vrasjes së Neshkovskit, përveç gjykimit për zyrtarin policor Spasovski, gjykata hesht për përgjegjësinë e të fuqishmive partiak të cilët morrën pjesë në fshehjen e këtij rasti.
Edhe pse Prokuroria Speciale kohë më parë i mori materialet e publikuara për fshehjen e vrasjes. Nuk është nisur proces gjyqësor për këtë rast. Apelojmë deri te PSP ta dokumentojë rastin tërësisht dhe të inicojë akuza përkatëse për të gjithë të involvuarit.
