Presidenti i Partisë Liberale, Ivon Veliçkovski, në konferencën “Zgjedhje të Lira 2016”, tha se nuk mund të priten zgjedhje të drejta, pasi që qytetarët, në vend se në MPB, kanë besim më të madh te CIVIL, kështu që atje i paraqesin anomalitë dhe problemet me Listën e Votuesve, si dhe keqpërdorimet tjera dhe presionet nga pushteti. Ai ishte i vendosur se edhe pas zgjedhjeve, në Maqedoni do të vazhdojë kriza në formë tjetër…
“Zgjedhjet as do të jenë të drejta, as demokratike! Duhet ta kemi të qartë pse na duhen zgjedhje të lira. Nëse pushteti nuk është demokratik, ju nuk mund ta rrënoni me mjete demokratike. Burimi i krizës është mosfunksionimi i institucioneve, i pushtetit me partitë e saj koalicionuese. Do të kemi zgjedhje me Listë të Votuesve të pa pastruar, KSHZ është formuar me gjashtë përfaqësues të partive politike të cilat kanë kritere të ndryshme. Në pajtim me Marrëveshjen e Përzhinës, është e qartë se ato janë të pranuara, pa u mbajtur. Më mirë përfaqësuesit e partive politike t’i shkruajnë rezultatet në KSHZ”, tha Veliçkovski.
