Përfaqësuesi i koalicionit të “Aleancës për Shqiptarët ,, në konferencën “Zgjedhje të Lira 2016”, në organizim të CIVIL-Qendrës për Liri, theksoi se votuesit shqiptarë për momentin janë nën presion të fuqishëm të BDI. Ai tha se pas dy ditëve të para nga fushata, menjëherë mund të vërehet se sa do të jetë e shtrenjtë, dhe ftoi të analizohet prejardhje e mjeteve me të cilat partitë i financojnë fushatat e tyre.
“Posaçërisht në pjesën e zgjedhjeve në të cilën do të marrin pjesë shqiptarët, ka presion të paparë, të cilin qytetarët nuk mund ta kuptojnë. Në periudhën e fundit, punësoheshin vajza të reja, por nuk u jepej vendim. Secili ka ndonjë familjar ose fis nga 300-400 njerëz, dhe mund të paramendohet se sa është i madh ndikimi i një partie politike në një situatë të tillë, veçanërisht e BDI. Në analizat tona, këtë e quajmë – korrupsion i votuesve. Kur i kërcënoheni një personi-vajze, se do ta dërgoni të punojë nga Dibra në Prilep, nëse nuk voton për ju, është e qartë se për çfarë presioni bëhet fjalë. Mendojmë se këto parti funksionojnë si parti teknokrate. Vetë ministrat dhe drejtorët, posaçërisht në nivel lokal, ushtrojnë presion mbi të punësuarit që të votojnë partinë në pushtet. Secili që do ti kundërshtojë BDI-së, do të digjet si ferra para diellit! Shpresoj se CIVIL do të mund ta vëzhgojë dhe ta analizojë këtë”, vlerësoi Ostreni.
