Protestat pro-demokratike vazhdojnë edhe sot (e martë, 19 prill) në Shkup, në të njëjtën kohë – në ora 18, dhe në të njëjtin vend – para Prokurorisë Speciale Publike, në shenjë të mbështetjes të institucionit, prej të cilit qytetarët presin kthimin e shtetit juridik.
Kërkesat e protestuesve sot janë të plotësuara me katër të reja: Prononcim i Gjykatës Kushtetuese për kushtetutshmërinë e PSP-së; formim të njësisë speciale të Gjykatës Penale, e cila do të jetë përgjegjëse për rastet nën juridiksionin e PSP-së; përfshirje dhe prani të detyrueshme të përfaqësuesve të pavarur të shoqërisë civile në procesin e zgjidhjes së krizës, si dhe formimin e qeverisë kalimtare, e cila do t’i zbatojë deri në fund prioritetet reformuese të menjëhershme nga raporti i Pribes.
Vazhdimi i listës me kërkesa është rezultat i paralajmërimit se të premten në Vjenë do të mbahet takim me liderët e katër partive më të mëdha në Maqedoni me përfaqësuesit evropianë.
Gjatë pasdites dhe në mbrëmje, ekipet e CIVIL-it do të jenë në mesin e protestuesve dhe rregullisht do të raportojnë për ngjarjet në rrugët e Shkupit.
Krahas protestave në Shkup, Manastir, Veles, Kumanovë, Strumicë dhe Shtip, sonte për herë të parë do të protestohet në Prilep dhe Koçan.
Ekipet vëzhguese të CIVIL-it, si në ditët e kaluara, edhe sonte do të raportojnë për protestat në të gjithë vendin.
Marija Tegovska
