CIVIL – Qendra për Liri vazhdon me karavanin PËRPARA! Ekipi i CIVIL sot është në Tetovë, Jegunoc, Vrapçisht dhe Gostivar.
Një nga ekipet mobile të CIVIL-it për monitorim dhe mbështetje do të jetë në sheshin e qytetit në Tetovë, nga ora 11 deri në 13, ku do të informojë qytetarët e Tetovës për aktivitetet në kuadër të projektit “Përpara!” dhe për mundësinë për të aplikuar për vëzhgues. Në ngjarje do të shpërndahen informacione dhe materiale edukative në gjuhën maqedonase dhe shqipe, do të diskutohet me kandidatët për vëzhgues të zgjedhjeve në këtë qytet dhe do të informohen të gjithë të interesuarit pët aktivitetet e CIVIL-it.
Në periudhën prej orës 14.30 deri 15.30 , ekipet mobile të CIVIL do të jenë në sheshet në Jegunoc dhe Vrapçisht, me të njëjtin rend dite. Nga ora 16 deri në ora 18 pasdite, ekipi mobil i CIVIL do të jetë në sheshin e Gostivarit.
Ekipet e CIVIL – Qendrës për Liri do të jenë në dispozicion për deklaratat e mediave, si dhe për të biseduar dhe shkëmbyer informata me përfaqësues të shoqërisë civile dhe të partive politike, të informuar dhe të ftuar paraprakisht. Gjithashtu, qytetarët e interesuar, do të kenë mundësi të marrin pjesë në foto-peticionin “Unë jam për ygjedhje të lira” dhe video-pweticionin me mesazh “Përpara”.
CIVIL zbaton monitorim të plotë, gjithpërfshirës, të paanshëm dhe objektiv të përgatitjes dhe rrjedhës të tërë procesit zgjedhor dhe respektimit të së drejtës për të votuar. Janë duke u zhvilluar aktivitete për përzgjedhjen, rekrutimin dhe trajnimin e vëzhguesve afatgjatë, afatshkurtër dhe qytetarë të procesit zgjedhor në Republikën e Maqedonisë.
Me qindra vëzhgues të akredituar, mbi 1000 vëzhgues qytetarë dhe ekip të spikatur të analistëve dhe ekspertëve, “Përpara!” është projekt për monitorim afatgjatë të procesit zgjedhor, vëzhgim gjatë ditës së zgjedhjeve, edukim dhe forcim të vetëdijes publike për të drejtat e votuesve.
Projekti zbatohet në nivel kombëtar në 14 qendra rajonale të CIVIL. Projekti “PËRPARA!”, i cili filloi në janar dhe do të zgjasë 7 muaj, është mbështetur me fonde gjermane nga Pakti i Stabilitetit për Evropën Juglindore.
Si edhe deri tani, së bashku me qytetaret e qytetarët, CIVIL kontribuon dhe do të kontribuojë për të krijuar kushte për zgjedhje të lira.
Merrni pjesë në aktivitetet tona për forcimin e vetëdijes publike për të drejtat e votuesve!
