Në 2024ën, konfliktet e armatosura dhe krizat humanitare po intensifikohen, me dhunë të vazhdueshme në Ukrainë dhe Lindjen e Mesme. Emigrantët dhe azilkërkuesit, veçanërisht ata që udhëtojnë në kushte të pasigurta, gjithnjë shtohet numri i tyre gjatë konflikteve të tilla. Ata janë veçanërisht të pambrojtur ndaj trafikimit dhe shfrytëzimit të qenieve njerëzore.
Në këtë Ditë Evropiane kundër Trafikimit të Qenieve Njerëzore, është e qartë se duhet të ketë veprime urgjente për të luftuar këtë lloj të krimit, pasi përshkallëzimi i sfidave aktuale globale kërcënon të krijojë më shumë viktima. Për të adresuar këtë çështje, Grupi i Ekspertëve të Këshillit të Evropës për Veprimin kundër Trafikimit të Qenieve Njerëzore (GRETA) ka nisur një cikël të ri monitorimi, duke u fokusuar në trafikimin e qenieve njerëzore midis grupeve të cenueshme.
Raportet e GRETA theksojnë pikat kritike në identifikimin dhe mbrojtjen e viktimave të trafikimit të qenieve njerëzore. Politikat e imigracionit duhet të jenë në përputhje me detyrimet ligjore për të ndihmuar këta individë, duke siguruar që ata të mbrohen dhe jo të dënohen ose të neglizhohen.
Ne duhet të bashkohemi për të mbrojtur më të rrezikuarit, për të parandaluar trafikimin e qenieve njerëzore dhe për të ndërtuar një shoqëri që mbështet dinjitetin dhe të drejtat e të gjithëve, duke përfshirë edhe më të cenuarit.
Lexojeni konventën e Këshillit të Evropës kundër trafikimit të qenieve njerëzore këtu.
