Për kryetarin e komunës së Shtipit, Ivan Jordanov, nuk ka dyshim se duhet të përkrahen plotësisht aktivitetet që kanë të bëjnë me multikulturalizmin dhe vlerat evropiane, qëndrim ky që pa mëdyshje u shpreh në takimin me përfaqësuesit e CIVIL-it, të cilët ia prezantuan projektin “bashkë për ardhmëri më të mirë”, në kuadër të së cilës së bashku do të realizojnë së paku dy aktivitete në Shtip deri në fund të vitit.
Mbështes çdo hap për bashkëpunim në drejtim të zhvillimit të multikulturalizmit dhe vlerave evropiane”, tha Jordanov gjatë takimit, “Idetë e projektit më kanë pëlqyer që në fillim”.
Si zakonisht, pas takimit, CIVILi ka publikuar një deklaratë të shkurtër drejtpërdrejt në rrjetet sociale.
“Sot në Shtip, CIVILi pati një takim me kryetarin e komunës Ivan Jordanov, ku diskutuam për aktivitetet e përbashkëta në kuadër të projektit “Së bashku për një të ardhme më të mirë”, me mbështetjen e Ministrisë së Punëve të Jashtme të Dukatës së Madhe të Luksemburgut”, tha kryetari i CIVIL-it, Xhabir Deralla menjëherë pas përfundimit të takimit.
Deralla informoi se me Jordanovin kanë biseduar për organizimin e përbashkët të një eventi “Dialogje qytetare mbi sfidat dhe perspektivat e multikulturalizmit dhe vlerave evropiane në nivel lokal dhe kombëtar”, ku do të diskutohet për multikulturalizmin dhe vlerat evropiane, si dhe për shpallja e konkursit për çmime për vepra artistike në shkollat fillore të Shtipit, për temat lidhur me projektin. “Dialogjet qytetare” pritet të mbahen deri në fund të gjysmës së parë, ndërsa gara dhe ndarja e çmimeve janë planifikuar për në gjysmën e dytë të këtij viti.
“Në gjysmën e dytë të këtij viti në Shtip do të shpallet konkursi artistik për nxënësit e shkollave fillore të cilët do të krijojnë në temën e multikulturalizmit. Nën kujdesin e Komunës do të krijojmë një fond shpërblyes për pjesëmarrësit e konkursit”, sqaroi Deralla në një deklaratë live, pas takimit me kryetarin Jordanov.
Takimi me kryetarin e Komunës së Shtipit, si dhe ai i Kumanovës, janë pjesë e serisë së takimeve të CIVIL-it me kryetarët e komunave.
Përfaqësues të institucioneve të pushtetit lokal, komunitetit të biznesit, institucioneve arsimore, organizatave civile dhe formave të tjera të shoqatave civile, komuniteteve etnike dhe fetare dhe liderë të tjerë të komuniteteve do të jenë të ftuar në manifestimin publik “Dialogje qytetare”.
B. Jordanovska
