Nuk ka persona të lënduar dhe dëm material me përmasa të mëdha në zjarrin e sotëm në Çimentoren USJE, informuan pasdite nga kompania, transmeton MIA.
Nga atje theksojnë se zjarri me siguri është shkaktuar nga një defekt në instalimin elektrik dhe se pëotësistr është vënë nën kontroll dhe është shuar.
“Sot, rreth orës 11:30 në Çimentoren USJE SHA Shkup ka ndodhur një zjarr, i cili me siguri është shkaktuar nga defekti i instalimit elektrik, pas së cilës menjëherë është njoftuar shërbimi zjarrfikës. Të punësuarit në UJSE kanë reaguar menjëherë pas shpërthimit të zjarrit, pas çfarë është penguar përhapja e tij e mëtejshme. Pas mbërritjes së shërbimit zjarrfikës dhe ndërhyrjes së shpejtë të tyre, së bashku me të punësuarit e kompanisë, zjarri plotësisht është vënë nën kontroll dhe është shuar, ndërsa nuk ka persona të lënduar dhe nuk ka dëme të mëdha”, theksohet në kumtesën e kompanisë.
Nga USJE thonë se hetimi do të vazhdojë që të përcaktohen arsyet. Njësiti Territorial Zjarrfikës i Qytetit të Shkupit ka ndërhyrë me nëntë zjarrfikës dhe dy automjete.
