Në Aeroportin ndërkombëtar Shkup, mëngjesin e sotëm aterroi aeroplani nga Sofja i kompanisë ajrore “Guliver”. Me këtë u realizua fluturimi i parë i cili drejtpërdrejtë i lidh dy kryeqytetit e Maqedonisë së Veriut dhe të Bullgarisë, informon MIA.
Me aeroportin në Shkup kanë arritur delegacioni nga vendi dhe ai i Bullgarisë të udhëhequr nga ministri i Transportit dhe Lidhjeve, Bllagoj Boçvarski dhe kolegu i tij bullgar Nikollaj Sabev, si dhe turoperatorë nga dy shtetet. Aktivitetet do të vazhdojnë me takim në Klubin e deputetëve në të cilin duhet të shqyrtohen mundësitë dhe të definohen detajet rreth qarkullimit të ardhshëm të kompanisë ajrore, e cila, sipas paralajmërimeve duhet të jetë i rregullt nga muaji i ardhshëm. Njëhehrit duhet të konfirmohen edhe pakot turistike të cilat do të ndihmojnë që të rritet numri i vizitave të ndërsjella të turistëve nga dy shtetet. Për rezultatin nga takimi janë paralajmëruar deklarata për media në Klubin e deputetëve në ora 13:30 minuta. Lidhja me aeroplan midis dy kryeqyteteve të Maqedonisë së Veriut dhe të Bullgarisë është hapi i parë konkret i bashkëpunimit që e paralajmëruan pas takimit të parë kryeministrat Dimitar Kovaçevksi dhe Kiril Petkov që u mbajt më 18 janar të këtij viti në Shkup. Një javë më vonë, më 25 janar, dy qeveritë në Sofje mbajtën seancë të përbashkët dhe nënshkruan dy dokumente për përforcimin e lidhjes infrastrukturore të dy vendeve, për lidhje direkte ajroe Shkup-Sofje dhe për Korridorin hekurudhor 8.
