Data e zgjedhjeve lokale mbetet 17 tetori konform Kodin Zgjedhor. Përputhja e regjistrimit me fushatën zgjedhore nuk do të ndryshojë asgjë dhe është e mundur që regjistrimi të përfundojë më herët, tha kryeministri Zoran Zaev.
“Data sipas propozimit të grupeve të punës në të cilat marrin pjesë të gjitha partitë politike është 17-të tetori. Gjegjësisht nuk ka ndryshime në datën që është caktuar në vetë Kodin zgjedhor. Kishte dilema gjatë tri ditëve të përputhjes së regjistrimit me fushatën, por në fund u vendos që tri ditët të mos ndryshonin asgjë. Regjistrimi është një aktivitet i thjeshtë që përfundon gjatë ditës, fushatat zhvillohen në mbrëmje. Në fakt, regjistrimi është kryer gjithmonë për 20 ditë, këtë herë është përcaktuar për 30 ditë, ai me të vërtetë mund të përfundojë më herët dhe çfarë do të mbetet tre ditët e fundit sepse është përcaktuar me ligj nga 1 deri në 30 shtator, dhe nuk është nga 5 në 25 siç ishte projektuar fillimisht, kështu që ka kohë të mjaftueshme në mënyrë që të mos ketë nevojë për ndonjë ndryshim në datën e zgjedhjeve”, tha Zaev në pyetjen e një gazetari pas hapjes së një kopshti në Stajkovc.
Lidhur me pragun për paraqitjen e listave të pavarura, është rënë dakord që të jetë dy për qind e numrit të përgjithshëm të votuesve.
“Nëse komuna ka 10 mijë votues, i duhen 200 nënshkrime për të paraqitur një listë të pavarur. Nëse ka 50 mijë votues, duhet të dorëzohet një listë e pavarur me një mijë nënshkrime”, tha Zaev.
Sqaroi se negociatat janë zhvilluar për më shumë se një muaj me pjesëmarrjen e të gjitha partive politike parlamentare, duke rënë dakord për datën e zgjedhjeve, modalitetet për listat e hapura ose të mbyllura, si dhe të gjitha rekomandimet e OSBE/ ODIHR, përfshirë rekomandimin për unifikimin e pragut të nënshkrimeve të nevojshme për dorëzimin e listave.
I pyetur në lidhje me një koalicion të mundshëm me BESË-n, Zaev tha se ata do të kenë një lloj koalicioni me të gjithë partnerët e koalicionit për shkak të specifikave të zgjedhjeve lokale, por në raundin e dytë.
“Pra, me të vërtetë do të kemi komuna ku LSDM, BDI, BESA, PDSH, nuk e di partitë më të vogla – partitë turke, LDP dhe të ngjashme do të kenë kandidat të tyre dhe kjo do të thotë që në raundin e parë nuk keni koalicion . Në raundin e dytë, kur qytetarët vendosin se kujt do t’i jepet një shans për të hyrë në raundin e dytë, atëherë është logjike që partnerët e koalicionit në nivelin qendror të mbështesin njëri-tjetrin. Kështu që, është logjike që dy kandidatë të hyjnë në raundin e dytë dhe natyrisht ne do t’i japim mbështetjen tonë njëri-tjetrit”, tha kryeministri Zoran Zaev.
Ai tha se sipas agjendës së caktuar, këtë vit për 2 Gusht – festa kombëtare Ilinden do të jetë në Pelince.
