Sfidat me të cilat përballen personat pa shtetësi, refugjatët dhe migrantët ishin tema e diskutimit në takimin e sotëm në Shkup midis Ministrit të Punës dhe Politikës Sociale, Jagoda Shahpaska dhe përfaqësueses së Komisionerit të Lartë të Kombeve të Bashkuara për Refugjatët, UNHCR, Monica Sandri.
– Përgatitja e Ligjit për personat që nuk janë regjistruar në regjistrin e lindjeve është një shembull i vendosmërisë së Qeverisë për të ndihmuar njerëzit që nuk mund të ushtrojnë të drejtat e njeriut për shkak të mungesës së dokumenteve, tha Shahpaska.
Ajo informoi se Ministria e Punës dhe Politikës Sociale ishte koordinatori i grupit punues për përgatitjen e Ligjit për personat që nuk janë regjistruar në regjistrin e lindjeve dhe koordinon punën e grupit punues përgjegjës për zbatimin e Ligjit.
-Gjatë vitit 2019, u formuan ekipet lëvizëse që drejtpërdrejt në komunitetet rome, identifikuan personat e paregjistruar në regjistrin e lindjeve. Në këtë proces, rreth 650 persona pa dokumente u identifikuan në terren, dhe sipas të dhënave të fundit, rreth 200 persona paraqitën një kërkesë për certifikatën e parë të përkohshme. Procesi i sigurimit të dokumenteve duhet të vazhdojë, sepse kjo nënkupton hyrjen e tyre në sistemin e mbrojtjes sociale dhe qasjen në arsim, shëndetësi dhe punësim, tha Shahpaska.
Përfaqësuesi i UNHCR Sandri shprehu mbështetje për përpjekjet dhe aktivitetet e Ministrisë që synojnë regjistrimin e personave pa dokumenta në mënyrë që të ushtrojnë të drejtat e tyre themelore të njeriut.
