Me ndryshim të nenit 76 nga Ligji për mbrojtje sociale, asistenca personale do t’u mundësohet edhe personave aftësi të kufizuara, më të rinj se 18 vjeç, respektivisht kufiri i moshës ulet te fëmijët gjashtë vjeçarë. Shërbimi është dedikuar për persona me pengesa më të vështira fizike dhe për persona tërësisht të verbër.
Asistenca personale është vendosur si pilot projekt në vitin 2018 me përkrahje nga BE-ja dhe për shkak të ndikimit pozitiv dhe kënaqësisë së shfrytëzuesve të parë, është vendosur edhe në ligjin për mbrojtje sociale, të miratuar para tre viteve, ndërsa me propozimin e ri për ndryshime të Ligjit, rritet përfshirja e personave me nevoja të veçanta.
Komisioni i Kuvendit për punë dhe politikë sociale sot ka organizuar debat publik, ku ministrja Jagoda Shahpaska, si propozues i ndryshimit, tha se ky ka qenë premtim nga programi zgjedhor.
Shërbimi personal është në kohëzgjatje prej 80 orëve për një shfrytëzues në muaj.
Asistentët personal si ofrues të shërbimeve në llogari të shtetit do të marrin kompensim në para prej 233 denarëve në bruto vlerë për një orë.
