Ministrja e Arsimit dhe Shkencës Mila Carovska sot mbajti takim onlajn me përfaqësues të Ministrive të Arsimit të Estonisë dhe Gjeorgjisë, kryetaren e UNICEF-it në vend Patricija Di Xhovani dhe me përfaqësues të kësaj organizate nga zyrat rajonale.
Siç kumtoi MASH, në takim u shkëmbyen përvoja gjeorgjiane dhe estoneze për proceset reformuese në arsimin fillor dhe modelin e shfrytëzimit të materialeve mësimdhënëse.
“Ministrja theksoi në takim se bazuar në përvojat ndërkombëtare do të krijojmë sistemin tonë të ri arsimor të Maqedonisë të arsimit fillor, i cili do të japë rezultate si në teste vendore ashtu edhe në ato ndërkombëtare. Por më e rëndësishmja, ajo do t’i mësojë fëmijët të mendojnë në mënyrë kritike dhe të marrin vendime. Sistemi arsimor do të përmirësohet bazuar në fakte dhe argumente që do të merren nga testimi kombëtar në vitin 2021, rezultatet e diplomimit, notat në fund të vitit dhe vërejtjet e nxënësve, prindërve dhe mësimdhënësve”, theksojnë nga Ministria e Arsimit dhe Shkencës.
Grupi punues që po bën konceptin e ri për arsimin fillor dërgoi një pyetësor me hulumtime te të gjithë mësimdhënësit për të përcaktuar qëndrimet e tyre dhe çfarë i mungon arsimit. Pyetësori do t’u dorëzohet edhe prindërve dhe nxënësve.
