CIVILi fillon me seri të re të seminareve rajonale, ndërkaq, po vazhdon regjistrimi i të interesuarve për seminarin e parë që do të mbahet në Shtip. Seminari mban titullin “Objektivi qytetar: Qytetaret dhe qytetarët marrin pjesë, vëzhgojnë dhe informojnë”, dhe paraqet vazhdimësi të seminareve që i organizoi CIVILi gjatë katër viteve të kaluara, në të cilat morën pjesë rreth një mijë qytetare dhe qytetarë nga të gjitha viset e Maqedonisë së Veriut.
Para sfidave dhe projekteve të reja, CIVILi ka nevojë për zgjerim të rrjetit të bashkëpunuesve me njerëz të rinj, vullnetare dhe honoraristë. Një nga mënyrat më të përshtatshme për njohje dhe fillim të bashkëpunimit janë seminaret në projektit të CIVILit “Objektivi qytetar: Promovimi i proceseve transparente dhe përgjegjëse politike”. Shumica e pjesëmarrësve gjatë viteve në projektet e CIVILit, e kanë filluar bashkëpunimin pikërisht në seminaret e CIVILit.
Seria e re e seminareve rajonale në shumë aspekte janë të ndryshme nga tridhjetë parapraket. Seminaret janë edhe më dinamike dhe përpunojnë thesar të temave të përshtatshme me gjendjet shoqërore politike në vend. Sidoqoftë, bëhet fjalë për vazhdimësi, sepse CIVILi edhe më tej mbetet i përkushtuar ndaj pjesëmarrjes qytetare, aktivizmit dhe gazetarisë qytetare me të cilat promovohen proceset transparente politike dhe përgjegjëse që do të ndodhin në vend. Seminaret janë pjesë e projektit Objektivi qytetar: Promovimi i proceseve transparente dhe përgjegjëse politike, i financuar nga National Endowment for Democracy, të cilin e implementon CIVILi për pesë vite me radhë.
Seminari i parë nga gjithsej 8 seminaret, do të mbahet në Shtip më 28 shtator ( e shtunë), në hotelin Oaza me fillim në ora 10. Thirrja për pjesëmarrje në seminar vazhdon deri më 25 shtator ( e mërkurë).
Në seminarin mund të paraqiten të gjithë qytetare/ët e interesuar/a nga komunat e Rajonit Lindor: Berovë, Vinicë, Dellçevë, Zrnovce, Karbincë, Koçanë, Makedonska Kamenicë, Pehçevë, Probishtip, Çeshinovë – Obleshevë dhe Shtip.
Ekipi i CIVILit për komunikim
