E vlerësoj partneritetin me vendin tuaj. Për disa javë do të keni referendum në të cilin do të vendosni nëse do t’i bashkoheni bashkësisë ndërkombëtare. U mbetet qytetarëve të vendosin, ne jemi të gatshëm t’ju presim si anëtarja e 30-të e Aleancës, deklaroi sot sekretari i Përgjithshëm i NATO-s, Jens Stoltenberg në konferencën për shtyp me ministren e Mbrojtjes, Radmilla Shekerinska pas stërvitjes demonstruese të Regjimentit të operacioneve speciale në kazermën në “Ilinden”.
Përkujtoi se në korrik të gjitha 29 aleatet janë pajtuar ta pranojnë Maqedoninë si anëtarja e 30-të e Aleancës.
“Ne jemi të përkushtuar dhe angazhohemi, por edhe ju duhet ta implementoni marrëveshjen për emrin që t mund të fillojnë negociatat qasëse. Kur i shoh ushtarët pas meje, qartë është se do të jetë përfitim i madh edhe për vendin e juaj edhe për NATO-n nëse anëtarësoheni”, tha Stoltenberg.
Ai deklaroi se stërvitjet që i ka parë në kazermën “Ilinden” tregojnë se vendi ka ushtarë të stërvitur mirë të cilët janë të gatshëm të marrin pjesë në operacione të vështira.
“Pjesëtarët e armatës së vendit tuaj marrin pjesë në misionet e kryesuara prej NATO-s në Afganistan dhe në Irak dhe në vende të tjera, që tregon se keni armatë e cila është e aftë të kontribuojë në sigurinë ndërkombëtare”, tha Stoltenberg.
Ai ka shprehur falënderim për kontributin e vendit në NATO dhe për kontributin në misionin e NATO-s në Afganistan.
“Me stërvitjet ku merrni pjesë së bashku me pjesëtarët e NATO-s po ashtu punoni në rritjen e gatishmërinë dhe plotësimin e NATO standardeve.
Shekerinska nga ana e saj theksoi se deri më tani 4.000 pjesëtarë të ARM-së kanë marrë pjesë në misione të ndryshme të NATO-s viteve të kaluara.
“Për ne ky është partneritet në të cilin mund të mbështetemi, kur na duhej ndihma NATO ishte këtu për ne”, tha Shekerinska.
Theksoi se çdo pjesëtar i ARM-së i cili periudhën e kaluar mori pjesë në misione të ndryshme, ishte një argument më shumë në dobi të anëtarësimit tonë në NATO.
“Dua t’ua shpreh mirënjohjen time të gjithë pjesëtarëve të ARM-së, ata ishin diplomati i vazhdueshëm i qetë i anëtarësimit tonë në NATO”, shtoi ministrja e Mbrojtjes. (MIA)
